12:14 Հայ գործիքավորողի մշակմամբ երգը հաղթել է «Ռոքի և փոփի միջազգային փառատոն Սոֆիա 2017»-ում | |
Բուլղարիայի մայրաքաղաք Սոֆիայում կրկնակի տոն էր: Փոփի և ռոքի ամենամյա փառատոնին զուգահեռ ժողովուրդը նշում ու վայելում էր քաղաքի տոնը:  Փառատոնի հաղթող խմբի երգը կոչվում էր "Няма как", որը հնչեց բուլղարուհի Ռոբերտայի կատարմամաբ, երգի գործիքավորումը կատարել էր ազգությամբ հայ Ազատ Մխիթարյանը:Երաժշտության հեղինակը Պյոտր Գևորգիևն է, իսկ բառերի հեղինակը` Ալեքսանդր Պետրովը:  Ազատ Մխիթարյանը իր խմբի հետ միասին ստացավ 3 գրանպրի` ժողովրդի համակրանք, լավագույն գործիքավորում և լավագույն երգ անվանակարգերով:«Շատ ուրախ եմ մեր հաղթանակի համար: Մեզ հիանալի ընդունեցին: Այս երգը գրվել է հատուկ փառատոնի համար: Արդեն իսկ նոր առաջարկներ եմ ստացել: Շարունակելու եմ համագործակցել բուլղարացիների հետ»,- անկեղծացավ Ազատ Մխիթարյանը:  Վերջինս պատմեց նաև, որ արդեն 5 տարի է` իր և Արթուր Նադոսյանի գլխավորությամբ գործում է NMH ձայնագրման ստուդիան, որտեղ ձայնագրվում են երգեր: Հետաքրքիր համագործակցություններ են ունեցել հայազգի ներկայացուցիչների և հայտնի կատարողների հետ: Հաջորդը մանկական փառատոնն է, որը տեղի է ունենալու հոկտեմբերին, իսկ բացումը լինելու է Ազատ Մխիթարյանի դաշնամուրային կատարմամբ:Starslife Media Group-ը շնորհավորում է Ազատ Մխիթարյանին և իր խմբին` ցանկանալով նորանոր հաղթանակներ և ստեղծագործական բարձունքներ: Նյութը` Աննա Կոստանյանի Կից նյութեր: Նկար 1 | |
|
| |
| Մեկնաբանություններն ընդամենը՝: 0 | |
|
| |
